Birêz Serok, Dewletên Yekbûyî yên Amerîkayê û şervanên Kurd di tunekirina DAIŞê û terorîstên din ên Îslamî li Iraq û Rojavayê Kurdistanê de nirxek mezin bi dest xistin. Û niha hûn van hemû nirxan dişînin destê vî zilamê nexweş Erdogan. Bi vê yekê hûn stûna baweriya Dewletên Yekbûyî yên Amerîkayê dişkînin. Dema ku cîhana şaristanî baweriya xwe bi Amerîkayê winda bike, wê demê cîhana şaristanî dê bi awayekî kaotîk were tunekirin. Dewletên Yekbûyî yên Amerîkayê misogeriya aştî û aramiyê ye. Ger em vê yekê winda bikin, ti welatiyekî Amerîkayê an jî neteweyên şaristanî dê ewle be. Armanca Erdogan ne tunekirina hêzên Kurdî ye, armanca wî tunekirina tevahiya şaristaniyê ye bi îdeolojiya xwe ya tundrew a îslamîst. Û ew bi xwe ye ku di serî de DAIŞ, El Qaîde û tevgerên bi vî rengî afirand. Ez bawer im ku hûn ji van rastiyan baş dizanin. Pirs ji bo her kesê mîna min ku bi rêzdarî baweriya xwe bi Dewletên Yekbûyî yên Amerîkayê tîne ev pirs dimîne. Hûn çima vê dikin? Ger hûn li projeya Dewletên Yekbûyî yên Kurdistanê binêrin ku li ser maseya we ya li Ofîsa Oval e, hûn ê mîrateyek mezin di dîrokê de bihêlin. Dîrok ev ji we hêvî dike û divê hûn lê xwedî derkevin. Dîrok vê berpirsiyariyê dide we. Em wekî neteweyek Kurd amade ne ku xizmeta vê siyasetê bikin. Niha banga we ye birêz serok. Bi rêzdarî, Bi navê hikûmeta Dewletên Yekbûyî yên Kurdistanê ya li sirgûnê Huseyîn Baybasin